Xəbərlər

Azərbaycan Tibb Universitetinin Onkoloji Klinikasının şəhid və qazı ailələri üçün bölgələr üzrə təşkil etdiyi növbəti aksiya

30.11.2021

28 noyabr 2021 ci il tarixdə Azərbaycan Tibb Universiteti Onkoloji Klinikası və Qusar rayon Oki klinikasının birgə təşəbbüsü ilə Bakı şəhərinin müxtəlif klinikalarında çalışan 18 ixtisas üzərə 32 könüllü həkimin iştirakı ilə 200 dən artıq şəhid və qazi ailələrinin müayinə aksiyası baş tutdu. Aksiya zamanı Oki klinikasında KT, MRT, USM müayinələri, laborator müayinələr olunmaqla yanaşı müalicəyə ehtiyacı olan xəstələr həkimlər tərəfindən 65 adda müxtəlif qrupda dərman preparatları ilə təmin edildilər. Həmçinin müxtəlif sahələr üzərə cərrahi əməliyyata ehtiyacı olan xəstələrin tam ödənişsiz əməliyyat olunması üçün qeydiyyatları aparıldı.

Aksiyanın keçirilməsində əməyi keçən hər kəsə dərin təşəkkürümüzü bildiririk.

Vətənə canını fəda edən şəhidlərimizin ailə üzvlərinə, öz sağlamlıqlarını qurban verən qazilərimizə, müharibənin dəhşətlərini görən müharibə iştirakçılarına bacardığımız qədər dəstək ola bilmək bizim üçün böyük şərəfdir.

Azərbaycanın şanlı Qələbəsini öz canları və qanları ilə yazan şəhidlərimizə Allahdan rəhmət, qazilərimizə şəfa, müharibə iştirakçılarına sağlıq diləyir və hər birinin qarşısında baş əyirik.