Xəbərlər

23-25 aprel tarixində Rusiya Federasiyasının Soçi şəhərində MDB və Avrasiya ölkələrinin onkoloq radioloqlarının X qurultayı keçirilib.

08.05.2018

23-25 aprel tarixində Rusiya Federasiyasının Soçi şəhərində MDB və Avrasiya ölkələrinin onkoloq radioloqlarının X qurultayı keçirilib. Qurultayda ATU-nun Onkoloji klinikasının baş həkimi N.Qasımovun rəhbərliyi altında böyük nümayəndə heyəti iştirak edirdi. Qurultayın gündəliyində mammologiya, onkoginekologiya, kolorektal xərçəng və onkologiyanın başqa aktual mövzularından məruzələr daxil edilmişdi. Məruzələrdən sonra aparılan geniş müzakirələr zamanı bele nəticəyə gəlindi ki, bizim klinika ən müasir nailiyyətlərə uyğun olaraq xəstələrə onkoloji yardım göstərir.

Aprelin 23-də “Sümük və yumşaq toxuma şişləri” bölməsində dosent Elnur İbrahimovun “Sümük sarkomlu xəstələrin orqansaxlayıcı müalicəsində bizim təcrübəmiz” mövzusunda məruzəsi dinlənildi. Məruzə qurultay iştirakçıları tərəfindən olduqca maraqla qarşılandı. Qeyd olundu ki, ATU-nun Onkoloji klinikasının direktoru Əhliman Əmraslanov sümük şişləri sahəsində dünyada ən böyük alim-cərrahlardan biridir və bu sahədə olduqca nadir orqansaxlayıcı əməliyyatlar icra edir. Onun rəhbərlik etdiyi klinikanın bu sahədə təcrübəsi MDB və Avrasiya ölkələrinin onkoloqları üçün vacib təcrübi əhəmiyyətə malikdir.

Qurultayın materialları topluda dərc edilmişdir.